Author: गौरव पोखरेल
गौरव पोखरेल
गौरव पोखरेल सुरक्षा, अपराध र सैनिक मामिलामा कमल चलाउने पत्रकार हुन् । उनी अहिले अनलाइनखबर डटकममा आबद्ध छन् । कुनै प्रतिक्रिया भए gauravpkh@gmail.com मा ईमेल गर्नुहोला ।
अहिले म्यानमारको स्वास्थ्य प्रणाली कुन परिस्थितिबाट गुज्रिरहेको छ भन्ने थाहा पाउन नेपाली सेनाको स्वास्थ्य टिमले त्यहाँ कसरी काम गर्यो भन्ने हेरे पुग्छ । (नेपिताउबाट फर्केर) २ वैशाख, काठमाडौं । लामो आन्तरिक द्वन्द्वबाट गुज्रिएको दक्षिण पूर्वी एसियाली मुलुक म्यानमारको स्वास्थ्य प्रणाली सैनिक शासन लागू हुनुअगावै संकटमा थियो । चार वर्षअघि भएको सैन्य ‘कू’पछि थप चर्किएको आन्तरिक युद्धका कारण कयौं अस्पतालहरू बन्द भए, औषधि आपूर्तिमा अवरोध भयो । यस्तो स्थितिमा पाँच महिनाअघि संयुक्त राष्ट्रसंघले समेत म्यानमारको ‘स्वास्थ्य प्रणाली ध्वस्त भइसकेको’ भन्दै प्रतिवेदन सार्वजनिक गर्यो, जसमा एक करोड २९ लाख मानिसहरूलाई स्वास्थ्य सहायता आवश्यक रहेको उल्लेख थियो । पहिल्यै संकटमा रहेको स्वास्थ्य प्रणालीलाई…
१८ वैशाख, काठमाडौं । तीन साताअघि भारतीय सुरक्षाकर्मीको एउटा समूहले नागार्जुन क्षेत्रमा प्रवेश गरेर अपरेशन चलाएपछि नेपाल प्रहरीले पक्राउ गरेको सूचना छ्याप्छ्याप्ती भयो । राजावादी समूहले प्रदर्शन गरिरहेका बेला यो गिरफ्तारीलाई जोडेर कतिपयले सामाजिक सञ्जालमा भ्रामक र उत्तेजक अभिव्यक्ति समेत दिए । खासमा दुई महिना पुरानो घटनालाई लिएर भारतको गृह मन्त्रालयले ‘विदेशमा अनुसन्धान गर्न जाँदा अपनाउनुपर्ने कार्यविधिबारे सकुर्लर’ जारी गरेपछि यो विषय चर्चामा आएको थियो । भारतीय अखबार ‘द हिन्दुस्तान टाइम्स’ले ७ अप्रिलमा पञ्जाब प्रहरीले चलाएको एउटा अपरेशनले कूटनीतिक तनाव सिर्जना गरेपछि गृह मन्त्रालयले विदेशी भूमिमा गरिने अपरेशनका लागि कडा निर्देशिका जारी गरेको लेखेको थियो । यो निर्देशिकामार्फत ‘विदेशी मुलुकमा…
नेपालमा साना–ठूला गरेर करिब २ हजार माथि ‘भीआईपी’ छन् । ‘विशिष्ट’ भनिने यो वर्गको बोझ यति चर्को छ कि सर्वसाधारणले मन्दिरदेखि अस्पताल र सडकदेखि आकाश मार्गसम्म हैरानी खेप्नुपर्छ । लोकतन्त्रको लज्जा ‘भीआईपी’ संस्कार माथिको खोजबिन । १५ भदौ, काठमाडौं । सरकारको वार्षिक नीति तथा कार्यक्रम पेश गर्न २० वैशाख २०७६ मा तत्कालीन राष्ट्रपति विद्यादेवी भण्डारी बानेश्वरस्थित संसद भवन पुग्ने कार्यक्रम थियो । ‘अतिविशिष्ट’ व्यक्तिको औपचारिक सवारी भन्दै उपत्यका ट्राफिक प्रहरी कार्यालयले महाराजगञ्ज–दरबारमार्ग–सिंहदरबार हुँदै बानेश्वरसम्मको रुट आधा घन्टा अगावै खाली गरायो । कफ्र्यू लागे सरह भयो राजधानीको भित्री भाग । यसरी सडक खाली गराएर भएको गणतान्त्रिक मुलुकका राष्ट्रप्रमुखको सवारीको विरोधमा सडक…
टोखा गोलीकाण्ड : गुड्डु पटेलको आपराधिक पृष्ठभूमि र भारतीय सुरक्षा संयन्त्रसँगको साँठगाँठ लाल मोहम्मद प्रकरणका सुटरलाई प्रहरीले अनौठो पृष्ठभूमिमा काठमाडौंमा ‘फेला पारेको’ छ । मोहम्मद हत्याको सुपारी दिने भारतीय नागरिक बब्लु पासवानलाई समेत प्रहरीले १० महिनाअघि पर्सामा गोली हानेर समातेको थियो । आइतबार साँझ ७ बजे उपत्यका अपराध अनुसन्धान कार्यालयबाट सूचना सार्वजनिक भयो, ‘टोखामा एक फरार आरोपीलाई समात्न प्रहरीले गोली चलाएको छ ।’ त्यसबेला दुई राउण्ड हवाई फायरपछि पनि स्थिति नियन्त्रणमा नआएपछि थप गोली चलाउँदा आरोपीको दाहिने खुट्टामा लागेको भनिएको थियो । कार्यालयका प्रहरी वरिष्ठ उपरीक्षक (एसएसपी) रमेश बस्नेतको दाबीमा, टोखाबाट झोर जाने बाटोमा बाँस झाडी नजिक हिँडिरहेको अवस्थामा फरार…
काठमाडौंका गुण्डा भनिएकाहरुलाई कुनै बेला रमेश खरेलले भनेका थिए – ती डन होइनन्, फ्याउराहरु हुन् । सबका नाडी छामिसकेको भन्दै ‘एसपी खरेल’ उनीहरुलाई ‘मुसा’ भन्थे, आफूलाई चाहिँ तिनलाई तह लगाउने बिरालो । प्रहरी प्रमुख बन्न नपाएपछि डीआईजीबाटै स्वेच्छिक अवकाशको बाटो रोजेका खरेलको बुझाइमा, तिनीहरु अनेक आवरणमा जोगिँदै आएका मामुली अपराधी मात्र हुन् । मुम्बई अन्डरवर्ल्डका इन्साइक्लोपीडिया हुसेन जाहिदीको पुस्तक ‘डोङ्ग्री टू दुबई : सिक्स डिकेड्स अफ मुम्बई माफिया’ पढ्ने हो भने लाग्छ – खरेलले ठिकै भनेका थिए । झण्डै ६ दशकदेखि मुम्बईमा राज गरेका अन्डरवर्ल्ड नाइकेहरुको कथा पढ्दा लाग्छ, नेपालका डन त के डन ! बलिउडदेखि फोर्ब्स म्यागजिनको विश्व शक्तिशाली…
३० साउन, काठमाडौं । नक्कली भुटानी शरणार्थी प्रकरणमा हाई–प्रोफाइल संलग्नतासम्म पुग्ने बाटो तत्काललाई बन्द भएको छ । भारतबाट समातेर ल्याइएका बेचन झामाथि काठमाडौं प्रहरीले गरेको अनुसन्धान त्यो तहसम्म नपुगेपछि तत्काललाई राजनीतिक संलग्नता निकाल्ने च्याप्टर क्लोज भएको हो । झाविरुद्ध अनुसन्धान सकेर प्रहरीले बुझाएको रायसहितको प्रतिवेदनका आधारमा जिल्ला सरकारी वकिलको कार्यालय, काठमाडौंले मंगलबार अदालतमा दायर गरेको अभियोग पत्रमा प्रकरणबारे कुनै नयाँ तथ्यहरु उल्लेख छैनन् । उनलाई बयानमा समेत उच्च राजनीतिक तहको संलग्नताबारे प्रश्न नसोधिएको प्रहरी स्रोत बताउँछ । पहिल्यै फेला परेको आधार, प्रमाणका आधारमा झाविरुद्ध ठगी, लिखत कीर्ते, राज्यविरुद्ध र संगठित अपराध सम्बन्धी कसुरमा मुद्दा दर्ता भएको छ । केन्द्रीय अनुसन्धान…
गौरव पोखरेल/कृष्ण ज्ञवाली अनलाइनखबर डटकममा प्रकाशित उच्च अदालत पाटनले मंगलबार नै अन्तिम आदेश सुनाउने अपेक्षा थियो, सन्दीप लामिछाने र पीडित गौशाला २६ दुवै बन्द इजलासभित्र थिए । बाहिर लामिछानेको पक्षमा कोही दमाहा लिएर ‘उत्सव’ मनाउने तरखरमा थिए । कोही पीडितविरुद्ध आपत्तिजनक टिप्पणी गरिरहेका थिए । त्यो होहल्ला र नाराबाजी इजलासबाटै थाहा पाइरहँदा गौशाला २६ टोलाइरहिन् । आफ्नो होस्टल अगाडि आएका राष्ट्रिय क्रिकेट टोलीका कप्तान सन्दीपसँग फोटो खिचाउने लोभमा निस्किंदा १९ महिनाअघि उनी अप्रिय घटनाबाट गुज्रिनुपरेको थियो । आफूमाथि भएको अन्यायविरुद्ध आवाज उठाउन परिवार, साथीभाइ र समाजबाट साथ नपाइरहेका बेला उनले एक्लै भए पनि आवाज उठाउने दृढता लिएकी थिइन् । पटकपटक…
पारिवारिक विरासतविरुद्धको शासन प्रणाली गणतान्त्रिक व्यवस्थामा पनि केही नेताका छोराछोरी ‘युवराज’को भूमिकामा देखिन्छन् । संघीय लोकतान्त्रिक गणतन्त्रलाई मजाक गर्न यही एउटा उदाहरण पर्याप्त छ । ११ वैशाख, काठमाडौं । मानवशास्त्री डोरबहादुर विष्टले ४० को दशकमै आफ्नो पुस्तक ‘फ्याटलिज्म एण्ड डेभलप्मेन्ट’ मा राज्य संरचनामा ‘आफ्नो मान्छे’ संस्कृति व्याप्त भएको लेखेका थिए । राज्यको उपल्लो तहमा आफ्नो मान्छे, साथीभाइ र नातागोता भए सहज अवसर पाइने र गलत क्रियाकलापमा सजायको भागीदार पनि हुनु नपर्ने उनको व्याख्या थियो । इतिहासले पनि राणाकालबाटै भाइभारदार, सेना प्रमुख नियुक्तिदेखि प्रहरी बन्नसमेत नातागोता र चिनजानका मान्छे हेरिन्थे भन्ने बताउँछ । राजतन्त्रमा पनि आफ्नो उदण्ड गतिविधिका कारण युवराजहरू आलोचित…
मिटरब्याज पीडित र तिनका साहुहरू बीचको विवादको चुरो भनेको ५ अर्ब रुपैयाँ भन्दा माथिको अंकमा भएका तमसुकहरू हुन् । जबसम्म यिनको वैधानिकता निर्क्यौल हुन्न तबसम्म यो समस्या रहिरहन्छ । ४ फागुन, काठमाडौं । कपिलवस्तुकी ६५ वर्षीया सुमित्रा कुर्मी अहिले आफ्नै घरबाट निकालिएकी छन् । छोराले पाँच वर्ष मलेसिया बसेर कमाएको पैसाजति साहुलाई बुझाउँदा पनि ऋण सकिएन, बरु तौलिहवामा रहेको खेत पनि अर्कैले लग्यो । ‘बाहिरबाट फर्किएर आउँदा पैसा पनि रहेन, खेत पनि बाँकी थिएन । त्यसपछि घरझगडा भयो । भाइले आमामाथि हातपात गर्यो’ छोरी शारदा कुर्मी (३५) भन्छिन्, ‘भाइले खान पनि दिएन, घरमै हेलाँ गर्न थालेपछि ममी सडकमा आउन बाध्य हुनुभयो ।’ त्यसपछि शारदाले नजिकै रहेको…
विलासी जीवन : घरमै थियो जिम र बक्सिङ हल १८ दिनदेखि बूढानीलकण्ठ नगरपालिकाको हात्तीगौंडा क्षेत्रमा चहलपहल बढेको थियो । कहिले कोठा खोज्दै त कहिले सामान बेच्दै नयाँ मानिसहरु आइरहेका थिए । त्यसरी आउनेहरुमध्ये एक महिलाले मंगलबार साँझ एउटा आलिशान बंगलाको ढोका ढक्ढक्याइन् । ढोका खोलेकी महिलाले उनलाई घरमा कोही नभएको भन्दै रोक्न खोजिन् । भित्र प्रवेश गर्न खोज्ने र नदिने महिलाबीच ठेलमठेलको स्थिति भयो । त्यहीबेला घरको माथि पट्टी केही खसेजस्तो सुनियो । कोही भाग्न खोज्दै थिए । फरक भेषमा गएको नेपाल प्रहरीको केन्द्रीय अनुसन्धान ब्यूरो (सीआईबी) को टोलीले बुझिहाल्यो, लिटल बुद्ध भनेर चिनाउने रामबहादुर बम्जनले उम्किने प्रयास गरे ।…